Беларускія кнігі-юбіляры 2019 года
С. Алексиевич, документальная повесть «Цинковые мальчики» — 30 лет […]
П.Броўка, зборнік вершаў “Пахне чабор” – 60гадоў […]
Я. Брыль, раман “Птушкі і гнёзды” – 55 гадоў[…]
К. Буйло, першы зборнік вершаў “Курганная кветка”, адрэдагаваў Я. Купала – 105 гадоў […]
А.Вольскі, кніжка для дзяцей “Чарнічка” – 55гадоў […]
У. Дубоўка, казка “Мілавіца” – 55 гадоў […]
І.Шамякін, раман “Сэрца на далоні” – 55 гадоў
І.Шамякін, раман “Атланты і карыятыды” – 45гадоў
Беларускі язык і літаратура. Сайты
67 урокаў для настаўнікаў беларускай мовы ад часопіса «Роднае слова»Беларуская мова. Дыдактычны матэрыал
21 лютага 2019 г. ва ўстанове адукацыі адбылося святкаванне Міжнароднага Дня роднай мовы. У мерапрыемствах, прысвечаных святкаванню, прымалі ўдзел педагогі, вучні, бацькі. Была падрыхтавана калектыўна-творчая справа "З беларускай мовай нам жыць ў XXI стагоддзі!
Тут разгарнулася масштабная калектыўная творчая справа, якая ахапіла ўсіх да аднаго вучняў школы, з першага па адзінаццаты класы, і нават дашкалят, выхаванцаў дзіцячага садка №34.
Увогуле, у школе адным днём роднай мовы не абмежаваліся – ей быў прысвечаны тут цэлы тыдзень, і ўжо пачынаючы з панядзелка, ладзіліся конкурсы, выставы, гульні. На чацвер, 21 лютага, прыйшоўся самы пік тэматычных дзействаў, які і стаў агульнай і вельмі цікавай дзіцячай справай пад назвай “З беларускай мовай нам жыць у 21 стагоддзі”.
Яна захоплівала кожнага, хто трапляў у школу, яшчэ на ўваходзе, дзе ладзіўся вялікі вучнёўскі флэш-моб “Разам кінемся ў скокі”. А далей запрашала накіравацца ў падарожжа: па гісторыі Беларусі, яе традыцыях, культуры, абрадах. Па ўсёй школе размясціліся “Падворкі”. Адзін з іх, “У бабулі Ганны”, заклікаў гасцей яшчэ здалёку – смачнымі пахамі. Чаго толькі тут не было на сталах: бліны розных гатункаў і з рознымі начыннямі, вядома ж, дранікі, пірагі, каўбасы, сала, квашаная капуста і салёныя агуркі... Слінкі цяклі. Гаспадыня падворка расказала гасцям, вучням школы, пра стравы, якія ў даўнасці гатавалі, і частавала прысмакамі.
На другі падворак “працавітая Марылька запрасіла гаспадынькаў”. На трэцім ішла віктарына “Залацінкі роднай мовы”. Патрапіўшы на чацвёрты падворак, можна было апынуцца у зачараваным царстве беларускіх казак. А падняўшыся на другі паверх школы, можна было патрапіць на сапраўдныя вячоркі. Беларуская мова гучала нават у спартыўнай зале, дзе “вяселля ды смеху было па цэламу меху” падчас беларускіх народных гульняў.
Ладзіўся ў школе і беларускі кірмаш – выстава дэкаратыўна-прыкладной творчасці вучняў. Вочы разбягаліся ад прыгажосці, зробленай рукамі дзяцей! Зазірнуць варта было і яшчэ на адзін падворак, у тэатр-батлейку, дзе спектакль давалі юныя артысты тэатра-студыі “Вера. Надзея. Любоў”. На чарговым падворку старэйшыя вучні чыталі па-беларуску для самых маленькіх, выхаванцаў дзіцячага садка №34. А праз колькі крокаў, у этнаграфічным музеі, самых старэйшых, адзінаццацікласнікаў запрасіў экскурс у “Хату з матчынай душой”.
І гэта яшчэ не ўсё… Вучні школы напісалі агульную дыктоўку. Дарэчы, вучням 3-4 класаў быў прапанаваны тэкст “Вечны агонь”, што сімвалічна ў год 75-годдзя вызвалення Беларусі ад нямецка-фашысцкіх захопнікаў.
Квілты па тэме
Комментариев нет:
Отправить комментарий